Sun Thai Restaurant (Ma On Shan)

今次同朋友去食泰國菜，叫咗一枱經典野，真心要極力推薦！ 首推辣椒膏炒大蜆，蜆肉隻隻都厚身爆汁又冇沙，特製辣椒膏炒得香濃惹味，甜甜辣辣超開胃，連汁都想拎嚟撈飯。泰式菠蘿炒飯亦完全冇令我失望，飯粒炒得乾身、粒粒分明，菠蘿嘅酸甜剛好平衡咗臘腸同肉鬆嘅油膩感，���感極豐富。菜方面叫咗馬拉盞通菜，鑊氣夠晒爆，鹹香鑊氣直衝腦門，通菜爽翠有咬口。 食到辣辣地，飲返杯泰式凍奶茶小甜，就正晒！少甜之後茶香味更加突出，厚滑奶香加埋回甘茶味，解辣一流。最後梗係要用芒果糯米飯做完美句號，芒果甜到爆，溫熱嘅糯米飯淋上濃郁椰漿，鹹鹹甜甜交織，糯米軟糯有嚼勁，真係食到停唔到口！ 呢餐不論鑊氣、調味定甜品都咁高質，絕對會再嚟光顧！

這餐泰國菜整體感覺很實在，沒有過多裝飾，每一道都做得剛剛好。 泰式炸蝦餅：外皮酥脆，蝦漿打得有彈性，咬下去不會鬆散，也不會油膩，單吃或沾點甜醬都不錯。 燒虎蝦：蝦身夠大，燒烤的火候控制得不錯，殼略帶焦香，蝦肉仍然保持濕潤，不會乾柴，原味就很鮮甜。 燒牛柳沙律：牛肉約七分熟，口感軟嫩，搭配洋蔥、番茄和泰式酸辣汁，吃起來清爽帶微辣，酸鹹平衡，很開胃。 泰珍珠椰菜苗:椰菜苗脆嫩沒苦味，配上紅蘿蔔和豆醬一起炒，鹹香夠味，非常下飯。 珍多冰：椰奶底濃淡適中，綠色粉條軟Q，加碎冰喝起來很消暑，甜度剛好。 凍檸檬茶：要求少冰和走甜，檸檬清香加上茶味不苦不澀，解膩效果很好。 千層糕：口感軟糯有彈性，椰香和斑蘭香味自然，甜度不過頭，吃完…

服務好，非常親切友善。 午餐餐牌每星期轉換，2:30-4:30入座有8折，食物份量大碟，又好食，優惠價加小食抵食。 幾乎每星期都幫襯，間唔中會食晚餐，正價，但都唔算太貴，而且好食。

今日入咗馬鞍山探朋友，晏晝先搵地方醫肚，成個商場覺得新泰最吸引，質素果然唔錯 鮮蝦柚子沙律調味一流，甜酸微辣口味非常開胃，鮮蝦彈牙，魷魚爽口，鹹魚炒芥蘭鹹香十足，芥蘭新鮮嫩綠，蒜蓉包又脆又香口 鐵板蠔仔煎蛋啖啖都係肥美蠔仔，墊底大量芽菜又爽口又解膩，巴東牛展非常惹味，口感軟腍 天氣熱飲返杯芒果沙冰好正，夠晒清甜解渴 整體環境非常舒適，乾淨闊落，服務唔錯，價格合理，值得一試

黃咖喱蟹好好味！ 仲想食埋面包軟殼蟹，但係得一人食唔晒，下次仲想去。 大部分員工講泰文傾計，應該係泰國人，嘢食好有傳統泰國味。 環境清靜寬敞。好舒服。