Putien (Harbour City)

餐廳整體裝修好有格調，用咗好多木色同柔和燈光，感覺好舒服又唔會太拘謹。 我哋點咗個蟶子孖寶組合，一上枱已經覺得好吸引，擺盤精緻。 糖醋皮蛋係我幾鍾意嘅一道，皮蛋本身夠滑溜，配上酸酸甜甜嘅醬汁，好開胃又好惹味。 閩香酸甜豬肋排真係值得一讚，肋排啖啖肉，外層帶少少脆口，入面肉質好冧又Juicy。

服務一般，環境都乾淨舒適，坐落算舒服。 餐牌好似本小說咁厚，芋香鴨先將鴨肉手撕，加埋芋泥微調味再炸脆，鴨香同芋頭味幾融洽，炸出黎預先隔左油。百秒黃花魚口感嫩滑，湯底偏淡口。 彈塗魚豆腐煲魚既份量幾多，魚肉新鮮，豆腐就相對唔入味。紅菇海鮮滷面外表有啲失敗，海鮮份量同樣充足，味道同南乳調味幾夾。星蟲口感豐富，調味幾特別。 4個菜加埋630左右。

嚟咗莆田食飯，今期蟶子當造，推出咗好多有唔同煮法嘅蟶子。我哋就叫咗個$298蟶子孖寶組合，可以揀一款蟶子菜式配烤羊排或者焗大黃魚。 椒鹽哆頭蟶子王 一上枱椒鹽嘅香氣已經撲鼻而嚟，哆頭蟶子王炸到金黃香脆，一啖咬落去，外脆內嫩，裡面嘅蟶子肉仲係鮮嫩多汁，一啲都唔乾。椒鹽嘅鹹香夾埋蟶子本身嘅鮮甜，真係一流夠晒惹味，就咁齋食都停唔到口。 七味烤羊排 烤羊排係另一種香濃風味。羊排烤到外焦內嫩，面頭用七味粉調味，香料味同微微嘅辣啱啱好蓋過羊羶味，淨低陣陣肉香。 福建特色海蠣煎 呢度嘅海蠣煎煎得乾身，邊位帶脆，漲卜卜嘅海蠣鋪滿成塊煎餅，非常足料，配埋辣椒醬一齊食真係一絕。 興化米粉 米粉炒得鬆化乾身，條條分明，口感彈牙唔會爛晒，配料都好豐…

一入去嗰陣間餐廳已經冇冷氣咁滯，隔籬枱有人喺度撥扇，另外一台有人抹晒汗咁。 落咗單唔夠5分鐘已經成枱黎哂啲嘢食咁滯，個感覺已經覺得係邊有可能咁快整好，食落口覺得有部份係預製菜嘅感覺。 另外服務員大部份都係講普通話，就算我哋用廣東話同佢講嘢佢都用普通話答返我地。 整體體驗差。

環境舒適，服務親切，福建菜風味正宗，海鮮新鮮，仲有唔少特色小菜，啱晒一家大細或朋友聚餐～🎉