Phở Lệ (MOSTown)

一人鍋用越南牛河湯底及配料，頗為特別，牛肉、配料份量較少，加料在所難免，牛腩最好。店員態度有待改善

用餐日期2024-12-17 宜家一人火鍋盛行，估唔到連主打越式湯河嘅錦麗都有出一人火鍋，唔知係咪12月限定，行過見到個餐牌都唔錯，幾吸引，又唔貴，最重要唔洗等位，就入去試吓啦。 一個係胡椒雞鍋 一上枱已經聞到好香胡椒味，不過食落又唔係好濃，唔會太難入口，啲雞幾嫩 一個係牛肉湯鍋 錦麗平時啲牛肉湯河粉都好食，個牛肉湯其實就完全係平時粉麵嗰個牛肉湯，好香牛肉味，有白蘿蔔又清甜，啲牛肉都幾淋。 額外加嘅生牛肉 額外加牛丸，好香 玫瑰洛神花茶，幾香 加咗油炸鬼，點湯都ok��一上枱嗰陣熱辣辣仲係好脆 再加咗小食拼盤 雞翼、豬扒、蔗蝦同春卷 全部都香口脆口

夜晚八點幾last order食phở都幾多人，不過唔嘥等位。 嗌咗嗰生熟小鮮肉河粉，麵同肉嘅量都幾多，有幾舊熟嘅牛腩（都幾腍），同埋幾片生牛肉；嗰湯都幾好飲，好有肉香同香料味。 粉質都唔錯，幾有彈性同有牛肉味。不過啲芽菜真係好青，放咗落碗湯好耐都仲系有陣味。 整體嚟講，值得黎試吓，湯麵肉都幾唔錯，食完碗嘢會好滿足。

一間不錯嘅越南餐廳，但方枱枱面略為細小，兩張方枱放唔晒，兩個二人套餐嘅食物，衛生及服務態度均好，整體食品味道都好，但估唔到二人套餐，份量比想像中大😅

其實都幾難食，成餐都無嘜邊樣好食。 椰子沙冰，好淡，無咩味，重有好多打唔碎既冰粒 雞扒撈檬，塊雞扒真係望到都唔開胃，碗粉好細碗，幾條面都慳 馬拉盞醬時蔬芽菜，烚菜加醬，但個醬唔好食 收錢全程一句說話都無，幾錢都唔講。